Velkomen til eit nytt, godt og kjekt kaffiår saman med oss! Vi er i full gang igjen etter ein herleg sommarferie. Besøket i kaffibaren desse to første dagane etter ferien har vore vanvittig godt! Tusen takk til alle som ikkje har gløymt oss! Vi er audmjuke og takksame. Velkomne alle!
Vi har utskiftingar i staben. Eivind, vår superhelt sidan oppstarten (omtrent), har blitt endå meir urban og studerer no i hovudstaden. To andre av våre supre medarbeidarar gjennom nokre år no, Synnøve og Torkjell, har starta sine nye liv – på folkehøgskular ulike stadar i landet. Vi takkar for laget så langt, ynskjer dei lukke til og alt godt, og gler oss til å sjå dei snart igjen – kanskje til haustferien? Heldigvis er Sofie framleis hos oss, vi nyt godt av ho så lenge vi kan (russ i år!). Og så kan våre gjestar gle seg over Vilde, Ingeborg og Marthe som vi er skikkeleg glade for å ha i staben vår. Velkomne! Trine, Helge og Randi heng med vidare. Mathias og Henrik gjer dei viktige, men “usynlege” vaktmeisterjobbane som må gjerast men som ingen tenkjer over vert gjort…..
