Vi er komne til oktober!

Fugl Føniks kaffibar er blitt vaksen og flyttar ut av barndomsheimen i Anders Aarsætergate. Vi ser fram til å flytte ut frå tronge og slitsame kår på landet til meir urbane og moderne strøk  i Vikegata 17. Det har vore 7 spanande år i det vesle gule huset, men med auka arbeidsmengde, enormt stor og herleg kundemasse, altfor lite luft og etterkvart umogleg logistikk ser vi no fram til eit enklare liv.

Vi har sjølvsagt valgt å fortsatt halde til på sørsida, men våre nye lokalitetar har tilkomst både frå Webjørn Svendsensgate i sør og frå Vikegata i nord.  Med stor takhøgde får vi mykje luft og mykje lys frå vindu som vender nedover mot Kunsthuset. Langt og breitt fortau og hage mot aust gir høve til å trekkje ut på dagar utan regn…

Snekkarar har arbeidd ei stund allereie med lokala, rørleggarar og elektrikarar er også i gang. Vi er i rute, og om alt går som vi ynskjer  satsar vi på nyopning på 7-årsdagen vår 17.november 2011. Gjett om vi gler oss!

Vi skal inn i mykje større lokale. Ein heilt annan type bygning krev endra interiør. Ei lang liste med gjestar har sikra seg ein del av interiøret vårt i gamlelokala. Det finst fortsatt ein del ting som kan kjøpast: stolar, barstolar, utemøblar, skilt, lamper, tekoppar (kattekoppane!), mjølkeflasker, eplekasser og meir.  Kom og kik!

Ordinær drift i gamlelokala i Anders Aarsætergate 1 fram til ca 5.november 2011.

Folket har begynt å forstå at Fugl Føniks snart skal flytte. Det strøymer på av spørsmål om kva som skjer med interiøret som finnst i dei noverande lokala. Mesteparten skal seljast ut! Mange har allereie førehandstinga saker og ting som dei er blitt så glade i hos oss; alt i frå kua med glorie (du har vel lagt merke til ho?) til kjøpmannsdiskar, stolar og lamper. Så her må du hive deg rundt hvis du er interessert i å ta med heim ein bit av “gamle Fugl Føniks”

Mykje må avklarast i samband med flyttinga til vårt nye lokale i november. Tida går veldig fort, og fristen for å bestille utstyr nærmar seg raskt. Leveringstida kan vere lang på enkelte varer og produksjonsutstyr som skal lagast til oss. I dag onsdag 7.9.11.må vi dessverre halde stengt – vi er nøydde til å reise til Ålesund i møte med leverandørar av kjøkken- og bakeriutstyr. I morgon torsdag er vi på plass og lagar kaffi til deg! Vi sjåast då!

Vi førebur oss til flyttinga til nye herlege lokale i november, og reiser onsdag 24.august til Ålesund på Matfestival og messe. Fugl Føniks vert altså stengt onsdag 24.august.

Torsdag 25.august er vi sjølvsagt tilbake i vanleg drift – velkomen tilbake då!

Vi opnar dørene att etter sommarferien. Frå i dag av, tysdag 09.august-11, duftar det kaffi frå Lystadhjørnet igjen!