Herlege maidagar – og sjølvsagt er uteserveringa godt i gang. Å nyte ein iskald shakerato på eit solrikt fortau med fjordutsikt, eller litt meir skjult i eit urbant smug der lyden av trafikk utanfor murveggane vert blanda med fuglekvitter frå trea i bakgården – lyden, luktene, smaken og den gode kjensla finn du sjølvsagt hos Fugl Føniks.

Mange lurer på om vi har ope på 17.mai. Svaret er: vi tør ikkje! Vi likar ikkje tanken på at køa vert lenger og lenger, og at vi ikkje klarer å jobbe fort nok! Det skal ta si tilmålte tid å lage ein god kopp kaffi. Å stresse for å handtere kundemassen er ikkje bra nok for oss… Difor seier vi: bruk tilboda som gjeld på 17.mai: sjå barnetoget, leik på stadion, høyr russetalar i Laguneparken, delta på friluftskonsertane, still opp i folketoget, ver med på folkefesten! Drikk brus, et is, tygg ei pølse – på kulturhuset, på stadion – støtt Ørsta Idrettslag fotball som arrangerer folkefesten!

Opningstidene våre i påskeveka:

tysdag 19.4., onsdag 20.4., påskeaftan laurdag 23.4.: ordinær opningstid 11-1630. Måndag er som vanleg produksjonsdag, og skjærtorsdag og langfredag feirar vi påske.

Hugs også å sikre deg årets herlege påskekaffi frå Brasil, deilig påskete med appelsin, mango, sitrus og eplesmak, nydelege og smakfulle påskesjokoladeegg frå Piemonte, Italia. Men skund deg – mange har oppdaga godsakene hos oss allereie…..

Ah – endeleg vår! Jammen har vi venta lenge… Snøen kom i oktober 2010, og i dag 13.april 2011 smelta dei siste snøflekkane i vertskapets hage. Sjølvsagt drog vi då utemøblane fram på fortauet. Dei tøffaste sat ute i ein time! Kjempeinnsats, vonar det blir fleire sjansar etterkvart….

Opplev vår kjære singer/songwriter EGIL OLSEN på Fugl Føniks, onsdag 6.april kl 1530.

Herleg stemning – kom, kom! Alle er velkomne!

Fredag 1.april er vi i Ulsteinvik på NM i kaffikunst. Laurdag 2.april er vi på plass i Ørsta igjen.  Kom, kom!