Fredagsjazzen 7.november går ut. Det har diverre ikkje lukkast Jazzklubben å finne ledige musikarar til denne kvelden. Fortvil ikkje – gled deg til neste fredagsjazz, 5.desember. Dette blir nok ein godbit, her er litt av Jazzklubben sin eigen presentasjon av programmet (og meir finn du på www.jazzklubben.no sine sider)…:
“Denne fredagsjazzen skal vi ta turen litt attende i tid, sånn ca til folkrørsla i Greenwich Village, New York, på 1960-70-talet. Joni Mitchell har vore ei inspirasjonskjelde og eit førebilete både tekstleg og musikalsk for mange seinare kvinnelege låtskrivarar…… Det vi får høyre er eit utvalt repertoar hovudsakleg frå den meir reine folk-perioden til Joni Mitchell. Merethe Vadstein Welle på vokal vil formidle repertoaret på sin eigen måte. Med seg har ho Stein Helge Solstad på gitar, og Svein Hunnes på bass. ” Vi gler oss!
